Ինչու՞ է Սաքունցը հարգում Տոնոյանին

Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցի հետ ունեցած զրույցների ընթացքում տպավորություն էր ստեղծվել, թե իրավապաշտպանը հատուկ հարգանք է տածում պաշտպանության առաջին տեղակալ Դավիթ Տոնոյանի հանդեպ. ամիսներ առաջ պաշտպանության փոխնախարարը գոհունակություն էր հայտնել նրա հետ հանդիպումից:

Օրեր առաջ Արթուր Սաքունցի հետ հարցազրույցի ժամանակ հարց ուղղեցինք.
Տպավորություն ունեմ, որ պաշտպանության առաջին տեղակալ Դավիթ Տոնոյանին շատ եք սիրում և հարգում, իր հետ հանդիպումներից և հայտարարություններից ևս գոհ եք լինում:

-Մտածողության խնդիր է: Ես կարծում եմ, որ պաշտպանական գերատեսչությունը ոչ զինվորականներ պիտի ղեկավարեն, հատկապես երբ, պաշտպանության նախարարությունը քաղաքականությունն է որոշում, կատարողը` գլխավոր շտաբն է:

Այսօր փորձեցինք պաշտպանության առաջին տեղակալ Դավիթ Տոնոյանից ևս ճշտել Սաքունցի հարգանքի պատճառները.

Պարոն Տոնոյան, Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցն ի տարբերություն, պաշտպանական գերատեսչության մյուս ղեկավարների, Ձեր մասին միշտ հարգանքով է խոսում: Ինչպե՞ս կբացատրեք:

Նախ ասեմ, որ պարոն Սաքունցի հետ ես մեկ անգամ եմ հանդիպել, ինքն առավել հաճախ մեր իրավաբանների հետ է հանդիպել: Իմ էությամբ հանդուրժող եմ և պատրաստ եմ լսել յուրաքանչյուրին և քննարկել յուրաքանչյուր հարց` առանց որակումների:

Աղբյուրը՝ http://haynews.am/hy/saqunts#.Tus3yqhtQEQ.facebook