Զանգվածային ծառահատումներ Լոռիում

2011 թ. հուլիսի 13-ին Լոռու մարզի Լերմոնտովո եւ Անտառաշեն գյուղերի մոտակայքում, ճանապարհամերձ լանջին, որտեղ սոճիներ են աճում, զանգվածային ծառահատումներ էին իրականացվում:

Ինչպես կարելի է ենթադրել փակցված ցուցանակից, հատումները թույլատրված էին: Բայց թե ինչ կարգով` կասկած է հարուցում: Բանն այն է, որ հատված ծառերը, ինչպես երեւում է լուսանկարներում, մատղաշ սոճիներ են: Բացի այդ, ցուցանակի վրա նշված է, որ պետք է հատվի 405 սոճենի, որից ստացվում է մոտ 44 խմ շինափայտ եւ մոտ 45 խմ վառելափայտ:
 
Ճանապարհից լսվում էր, թե ինչպես է անտառի խորքում աշխատում բենզասղոցը:
 
Թե ում է անհրաժեշտ եղել այդքան մեծ ծավալի շինափայտը, որ ծառահատումների համար թույլտվություն է տրամադրել` պետք է պարզեն իրավապահ մարմինները, բնապահպանական տեսչությունը եւ, առաջին հերթին, «Հայանտառ» ՊՈԱԿ-ը:
 
Մի ուշագրավ փաստ եւս: Ինչպես երեւում է մեր կատարած լուսանկարներից, աշխատող բանվորները աշխատանքային պրոցեսի ընթացքում ընդմիջման ժամանակ օգտագործել են ոգելից խմիչքներ` գարեջուր եւ օղի: Ի՞նչ է, դրա թույլտվությունն էլ՞ ունեն:

Աղբյուրը՝ http://lragir.am/armsrc/pubcorr-lrahos50618.html