ՀՀ վերաքննիչ դատարանի որոշումը վերացվեց

2010 թ. օգոստոսի 28-ին ՀՀ վճռաբեկ դատարանը վերացրեց ՀՀ վերաքննիչ դատարանի՝ կամայականորեն ստեղծած դատական պաշտպանություն ստանալու արգելքը՝ վերացնելով ՀՀ վերաքննիչ դատարանի բողոքն առանց քննության թողնելու որոշումը, գործը ուղարկվել է նույն դատարան՝ նոր կազմով քննության:

2010 թ. հունվարի 13-ին կազմակերպությունը հանցագործության մասին հաղորդում է ներկայացրել 2010 թ. հունվարի 10-ին ԱԺ պատգամավոր լրացուցիչ ընտրությունների ժամանակ թիվ 10/14 եւ 10/15 ընտրատեղամասերում անօրինական գործողությունների մասին:

Ներկայացված հաղորդումը ուղարկվել է ՀՀ հատուկ քննչական ծառայություն եւ հարուցվել է քրեական գործ: Քրեական գործի շրջանակներում հարցաքննվել են կազմակերպության անդամները:

ՀՀ հատուկ քննչական ծառայությունը կողմից քննության ավարտից հետո կայացվել է քրեական հետապնդումը դադարեցնելու մասին որոշում՝ հանցագործության բացակայության հիմքով:

Կազմակերպությունը, չստանալով վերը նշված որոշումը, բազմաթիվ բողոքներ եւ նամակներ է ներկայացրել որոշումը՝ հանցագործության մասին հաղորդումը ներկայացնող անձին տրամադրելու համար:

ՀՀ հատուկ քննչական ծառայության կողմից կազմակերպության դիմումները մերժվել են  այն պատճառաբանությամբ, որ որ ՀՀ հատուկ քննչական ծառայության կողմից քրեական գործը հարուցվել է, ոչ թե ՀՔԱ Վանաձորի գրասենյակի հաղորդման հիման վրա, այլ կազմակերպության ղեկավարի հաղորդած նյութերի ԶԼՄ-ների կողմից հրապարակումների հիման վրա:

2010 թ. ապրիլի 12-ին դիմում է ներկայացվել Կենտրոն եւ Նորք-Մարաշ ընդհանուր իրավասության դատարան՝ ՀՀ հատուկ քննչական ծառայության անգործությունը վերացնելու, քրեական գործ հարուցելու եւ քրեական հետապնդումները դադարեցնելու պահանջի մասին:

2010 թ. ապրիլի 18-ին Կենտրոն եւ Նորք մարաշ իրավասության դատարանի կողմից մերժվել է կազմակերպության դիմումը, որի կապակցությամբ կազմակերպությունը ներկայացրել է վերաքննիչ  բողոք: Վերաքննիչ դատարանը սույն գործի վարույթ չընդունելը պարզաբանում է՝ կազմակերպության կողմից ներկայացված բողոքը եղել է ժամկետանց: