Ոստիկանության մեծաքանակ ուժեր դատարանում

Կոտայքի մարզի ընդհանուր իրավասության դատարանը Վահան Խալաֆյանի գործով ընթացող դատավարության ժամանակ խստորեն վերահսկվում էր ոստիկանական մեծաքանակ ուժերի կողմից:

Դատարանի շենքում, ինչպես նաև բակում ոստիկանները մեծամասնություն էին կազմում: Միայն դատարանի դահլիճում կարգադրիչների թիվը հասնում էր երկու տասնյակի:
 
«Ոստիկանական ուժերի նման թվաքանակը անհամաչափ էր նախորդ նիստի ժամանակ տեղի ունեցած միջադեպին, երբ ընդամենը տեղի էր ունեցել բարձրաձայն երկխոսություն և որևէ բռնություն տեղի չէր ունեցել: Այս անգամ նման առիթ չկար և հաշվեհարդարի փորձ էլ չկար: ստացվում է, որ ամբողջ մարզի ոստիկանությանը բերել էին այդտեղ», նկատեց իրավապաշտպան Արթուր Սաքունցը:
 
Ոստիկանության Չարենցավանի բաժնի աշխատակիցների դատավարությանը ներկա էր նաև Չարենցավանի ողջ բաժինը, ինչն ըստ իրավապաշտպանի ճնշման տպավորություն է ստեղծում:

Աղբյուրը` http://www.lragir.am/armsrc/country36904.html