Սպանություն

Երեկ ՀՀ ոստիկանության բաժնում քաղաքացու սպանության հերթական դեպքն է արձանագրվել:

Միջադեպը տեղի է ունեցել ՀՀ ոստիկանության Չարենցավանի բաժնում, իսկ սպանվածը 24-25 տարեկան չարենցավանցի երիտասարդ է:
Ոստիկանության ներկայացրած վարկածով` երիտասարդը, ով մեղադրվել է ինչ-որ գողություն կատարելու մեջ, քննիչի սեղանին դրված դանակով ինքնասպան է եղել:

Սա նույնիսկ ՀՀ ոստիկանության պարագայում աբսուրդից վեր է: Այս դեպքում ոստիկանությունն ավելի է «առաջադիմել» քան Լեւոն Գուլյանի սպանության դեպքում: 2007-ի մայիսի 12-ին Գուլյանը սպանվեց ոստիկանության գլխավոր քննչական բաժնում, ինչը պաշտոնապես ներկայացվեց, թե իբր նա ցանկացել էր երրորդ հարկից պատուհանով փախչել, բայց վայր է ընկել եւ մահացել: Իսկ ինչու պետք է որպես վկա հարցաքննվող անձը ցանկանար փախուստի դիմել` այդպես էլ չպարզաբանվեց:

ԱՂԲՅՈՒՐԸ` http://www.armtimes.com/6477