Անվճար իրավախորհրդատվություն Ստեփանավան, Ալավերդի, Տաշիր և Սպիտակ քաղաքներում

2009 թ. հունիսին Հելսինկյան Քաղաքացիական Ասամբլեայի Վանաձորի գրասենյակի Տաշիրի կենտրոն անվճար իրավական խորհրդատվություն ստանալու համար դիմել են 4 քաղաքացիներ:

Բոլոր քաղաքացիների հարցերը առնչվել են սոցիալական իրավունքին:
  Այսպես,
  1. Սոցիալական ծառայությունների Տաշիրի տարածքային կենտրոնում դադարեցրել են քաղաքացու նպաստի վճարումը` պատճառաբանելով, որ քաղաքացու սոցիալական վիճակը բարելավվել է: Սակայն իրականում քաղաքացու սոցիալական պայմանները չեն փոփոխվել:
  Կազմակերպության կողմից քաղաքացու համար դիմում է պատրաստվել` նպաստի դադարեցման պատճառները իմանալու համար:
  2. Անչափահաս երեխաների չափահաս դառնալու կապակցությամբ ընտանեկան նպաստի վճարումը դադերեցվել է: Քաղաքացին ցանկանում է իմանալ` արդյոք դա իրավաչափ է:
  Նպաստի նշանակման և վճարման կարգը սահմանվում է ՀՀ կառավարության որոշմամբ, որտեղ հաշվի են առնվում ընտանիքի սոցիալական վիճակին և յուրաքանչյուր անդամին վերաբերող տեղեկատվությունը: Ընտանիքի չափահաս և անչափահաս անդամներին այդ կարգի համաձայն տրվում է առանձին կարգավիճակ և սահմանվում դրան համապատասխան միավոր: Կարգավիճակի փոփոխության դեպքում փոփոխվում է նաև համապատասխան միավորը, որն էլ հիմք է հանդիսանում նպաստի վճարումը դադարեցնելու համար:
  3. Աշխատանքի ընդունվելու հետևանքով քաղաքացու ընտանեկան նպաստի վճարումը դադերեցվել է: Քաղաքացին ցանկանում է իմանալ` արդյոք դա իրավաչափ է:
  Ընտանիքի սոցիալական վիճակը գնահատող միավորը սահմանվում է` հաշվի առնելով ընտանիքի դրամական մուտքերը և ելքերը, ինչը հիմք է տալիս միավորի փոփոխման և հետևաբար ընտանեկան նպաստի վճարումը դադարեցնելու համար:
  4. Քաղաքացուն անհայտ բացակայող ճանաչելու համար մեկ այլ քաղաքացի փաստաթղթեր է ներակայացրել դատարան: Անցել է մոտ յոթ ամիս, բայց դատարանից որևէ պատասխան չի ստացել:
  Քաղաքացիների կողմից դատարան ներկայացվող պահանջներն ունեն օրենքով սահմանված հատուկ ձև` հայցադիմումի կամ դիմումի տեսքով: Օրենքով սահմանված ձևը չպահպանելը հանգեցնում է դատարանի կողմից այդ պահանջը չընդունելուն: