ԸՆՏՐՈՒԹՅՈՒՆՆԵՐԸ ՊԱՐԶԱՊԵՍ ԽԱՅՏԱՌԱԿՈՒԹՅՈՒՆ ԷԻՆ

Մայիսի 31-ին տեղի ունեցած Երևանի ավագանու ընտրությունների վերաբերյալ այսօր իրենց դիտարկումներն են հայտնել Թրանսփերենսի ինթերնեշնլ դիտրոդական կազմակերպության անդամ Ամալյա Կոստանյանը և Հելսինկյան Քաղաքացիական Ասամբլեայի Վանաձորի գրասենյակի ղեկավար Արթուր Սաքունցը:


Արթուր Սաքունցը ասել է, որը ընտրությունները պարզապես խայտառակություն էին: Մարդիկ առանց ներկայանալու փորձում էին իրեն կաշառել` ասելով գնանք մի կտոր հաց ուտենք, զայրացած ասել է Արթուր Սաքունցը:

Ընտրական հանձնաժողովները ստեղծված էին ընտրությունները կեղծելու համար:
Տեղամասերից մեկում հանձնաժողովի նախագահը գրանցման մատյանում ընտրողների դիմաց գրանցումներ էր կատարում, որը օրենքով անթույլատրելի է, նկատել է Սաքունցը:
  Վստահված անձինք, դիտորդները, հանձնաժողովի անդամները աշխատում էին որպես մեկ թիմ` փորձելով ուղղորդել ընտրողներին: Այնպիսի մթնոլորտ էր ստեղծվել, որ մարդիկ վախենում էին բողոքել, որ իրենց փոխարեն ընտրել են: Նա նշել է, որ եթե հանդուրժենք սա, պետք է հրաժարվենք ապրել Հայաստանում: Ինչ վերաբերում է միջազգային դիտորդների եզրակացությանը, թե իբր ընտրությունները համապատասխանում են միջազգային չափանիշներին, Սաքունցը նշել է, որ նրանք կամ կաշառվել են, կամ էլ Հայաստանը համարում են Ռուսաստանի գաղութը:

Սաքունցը առաջարկել է դատախազությանը հանել գրանցամատյանները և ստուգել, թե արդյոք ստորագրությունները համապատասխանում են ընտրողների ստորագրություններին մասնավորապես 8/25 և 8/26 տեղամասերում:

Ամալյա Կոստանյանը նույնպես պահանջել է 8-րդ ընտրատարածքում ընտրությունների արդյունքներն անվավեր ճանաչել: Ստեղծվել էր վախի, ահաբեկչության մթնոլորտ: Կոստանյանը նշել է, որ մոտենում էին իրենց դիտորդներին, ասում՝ բա դու հայ չես, այսինքն հայը նրանց մոտ ասոցացվում է անբարոյականության հետ: Կոստանյանը վստահ է, որ այս երկրում ոչ մի նորմալ մեխանիզմ չի աշխատի, և միակ ելքը այս իրավիճակից չհանդուրժելն ու ապստամբելն է:
  ԱՂԲՅՈՒՐԸ`
http://www.lragir.am/src/index.php?id=society&pid=27001