Զորակոչի ուսումնասիրության իրականացում Շիրակի, Լոռու և Տավուշի մարզերում

2009թ. ապրիլի 10-ին Հելսինկյան Քաղաքացիական Ասամբլեայի Վանաձորի գրասենյակում ԵԱՀԿ Երևանյան գրասենյակի աջակցությամբ իրականացվող «Զորակոչի նկատմամբ մոնիթորինգի իրականացում» ծրագրի շրջանակներում տեղի ունեցավ առաջին դասընթացը:

Ծրագիրն իրականացվում է այս տարվա փետրվար ամսից, որի նպատակն է վեր հանել 2009 թ-ին Լոռի, Տավուշ եվ Շիրակի մարզերում գարնանային եւ աշնանային զորակոչի ընթացքում տեղ ունեցած խնդիրները:
Դասընթացին մասնակցում էին մոնիթորիգի մասնակիցներ Լոռու եվ Շիրակի մարզերից:
  Դասընթացի սկզբում ՀՔԱ Վանաձորի գրասենյակի ղեկավար Արթուր Սաքունցը ամփոփեց 2008թ. աշնանային եւ գարնանային զորակոչի մոնիթորինգի արդյունքները, իրականացված գործողությունները, խոչընդոտներն ու ձեռքբերումները՝ ընդ•ծելով, որ նման ծրագիր Հայաստանում իրականացվել է առաջին անգամ:
  Ծրագրի ղեկավարը մասնակիցներին ծանոթացրեց 2009 թ-ին իրականացվելիք գարնանային զորակոչի մոնիթորինգի անցկացման մեթոդներին, հմտություններին, պարզաբանվեց զորակոչիկներին եվ թիրախ խմբերին տրվելիք հարցերը, արդյունավետ հաղորդակցման հնարավոր ուղիները:
  Զորակոչի նկատմամբ մոնիթորինգի իրականացումը ներառում է կցագրման, ծանուցման, բուժզննության ընթացքի, զորակոչիկների նկատմամբ զինկոմիսարիատների եվ բժշկական հանձնաժողովների վերաբերմունքի ուսումնասիրությունը:
  Ծրագրի շրջանակներում հարցազրույցներ են նախատեսված զորացրվածների, զորակոչիկների եւ նրանց մայրերի շրջանում, ինչպես նաև տեղական ինքնակառավարման մարմինների, դպրոցների, տեղական զինկոմիսարիատների, պոլիկլինիկաների աշխատակիցների շրջանում:
  Հարցազրույցներն իրականացվելու են Շիրակի և Լոռու մարզերում, յուրաքանչյուր մարզում 500 հոգու շրջանում և Տաուշի մարզում 200 հոգու շրջանում, 2009 թ-ի ապրիլի 1-ից մինչեւ հունիսի 30-ը ընկած ժամանակահատվածում:
  Դասընթացի վերջում հարցերի միջոցով պարզաբանումներ տրվեցին ծրագրի մասնակիցներին ուսումնասիրությունն արդյունավետ անցկացնելու համար: