ԱՐԹՈՒՐ ՍԱՔՈՒՆՑ. ԼԵԳԻՏԻՄՈՒԹՅՈՒՆԸ ԿՏԱ ԼՂՀ-Ի ԵՐԱՇԽԻՔԸ

«Հայաստանում և Ադրբեջանում առկա ավտորիտար ռեժիմը ինձ թուլ է տալիս համոզմունք հայտնել, որ այս պահին չկան այն երաշխիքները, որ ԼՂՀ հակամարտությունը չի կարող վերադառնալ ռազմական գոտի»,-ասում է Հելսինկյան Քաղաքացիական Ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը և վերլուծում վրաց-օսական հակամարտության պատճառները:

Իրավապաշտպանի կարծիքով, այս հակամարտությունն այն եզակիներից էր, որը Հարավային Կովկասում սառեցված հակամարտությունների թվում հանգեցրեց հերթական պատերազմին, որը նրա պնդմամբ` հարաբերությունները հաղթահարելու մեխանիզմ չէ: Երրոդ կետով բանախոսը նշում է հակամարտությունում առկա երկրների նկատմամբ հասարակության անվստահելիության գործոնի մասին և հավելում, որ Վրաստանում 2007 թվականի ստեղծված իրավիճակը ստիպեց հասարակությանը գնալ վստահության անկման ճանապարհով: Նրա կարծիքով, Ռուսաստանի Դաշնությունում նույնպես առկա է հասարակության անվստահելիությունը լեգիտիմության հանդեպ, որը շատ դեպքերում հանգեցնում է կոնֆլիկտի:
  «Մարդու իրավունքների տեսակետից հակամարտությունը լուրջ խնդիրներ է առաջադրում հենց նույն հասարակությանը»,-ասում է Արթուր Սաքունցը և ավելացնում, որ դեռ ճշտված չէ զոհերի կոնկրետ թիվը, տեղահանվածների ու տուժածների քանակը:
  Նրան չի բավարարում նաև ԵԽ-ի ոչ համարժեք ռեակցիան` մարդու իրավունքների ոտնահարումների նկատմամբ: Բանախոսը իր վերլուծության ընթացքում կրկին վերադառնում է հակամարտության պատճառներին ու նշում, որ տարածաշրջանում առկա ոչ լեգիտիմությունը անընդհատ կբերի սառեցված խնդիրների «հալման», որը նաև մեզ չի տա այն երաշխիքը, որ ԼՂՀ հակամարտությունը կրկին չի վերադառնա պատերազմական գոտի:
  ԱՂԲՅՈՒՐԸ՝
http://www.panorama.am/am/politics/2008/08/21/saqunc/