Արգելեցին հանրահավաքների անցկացումը

2008թ. մարտի 20-ին Հելսինկյան Քաղաքացիական Ասամբլեայի Վանաձորի գրասենյակը երկրորդ անգամ գրությամբ դիմել էր Վանաձորի քաղաքապետին Վանաձորի «Արցախ» պուրակում հանրահավաքների կազմակերպման իրազեկման համար:

Հանրահավաքները կազմակերպվելու էին մարտի 26-ին, մարտի 28-ին և մարտի 30-ին հետևյալ թեմաներով.
  • մարտի 26–ին՝ «Կեցցե° ՀՀ Սահմանադրության 27 հոդվածը»
  • մարտի 28-ին՝ «Կեցցե° Մարդու իրավունքների Եվրոպական կոնվենցիայի 10-րդ հոդվածը»
  • մարտի 30-ին՝ «Կեցցե° Քաղաքացիական և քաղաքական իրավունքների միջազգային դաշնագրի» 19-րդ հոդվածը»:
  Հանրահավաքները նպատակ ունեին հասարակությանը իրազեկել ՀՀ նախագահական ընտրություններից հետո երկրում տիրող իրավիճակի մասին:
  Վանաձորի քաղաքապետը հրավիրել էր քննարկում ավագանու անդամների, ՀՀ ոստիկանության Լոռու մարզի վարչության պետի, Լոռու մարզի դատախազության ներկայացուցչի և ՀՔԱ Վանաձորի գրասենյակի ներկայացուցչի մասնակցությամբ:
  Վանաձորի քաղաքապետ Ս.Դարբինյանի կողմից կրկին անգամ մերժվեց հանրահավաքների կազմակերպումը: Մերժման համար հիմք է ընդունվեց քննարկման մասնակիցներից մեծամասնության այն կարծիքը, որ առկա են հավաստի տվյալներ, թե նշված օրը, ժամին և նշված վայրում միջոցառման անցկացումն իրական վտանգ կարող է սպառնալ հանրահավաքներին մասնակցող անձանց կյանքին կամ առողջությանը:
  Երկրորդ անգամ, փաստորեն, քաղաքապետը խախտեց հանրահավաքների անցկացման իրավունքը: