ԿԱՆԽԱՄՏԱԾՎԱԾ ԽՏՐԱԿԱՆՈՒԹՅՈՒՆ

2008թ. նախագահական ընտրությունների ժամանակ իշխանության մարմինները տարբեր ձևով են արձագանքել միևնույն տիպի խախտումներին:

Լևոն Տեր-Պետրոսյանի վստահված անձ Սոֆյա Քալանթարյանի դեմ առաջադրվել է մեղադրանք ընտրական հանձնաժողովի աշխատանքներին խոչընդոտելու համար:
  Թիվ 30/22 հանձնաժողովի անդամները բողոքել են, որ Ս.Քալանթարյանը քվեարկության ընթացքում պարբերաբար պահանջել է տեղեկություններ հայտնել ընտրություն կատարող անձանց մասին, ցույց տալ նրանց անձնագրերը: Տեղամասում Ս.Քալանթարյանը լուսանկարել է քվեարկության եկած մի քաղաքացու և փորձել խլել նրա անձնագիրը: Տեղամասում դրանից հետո վիճաբանություն է եղել քաղաքացու և Ս.Քալանթարյանի միջև:
Տեղամասում կարգ ու կանոն հաստատելու համար հանձնաժողովի նախագահը ստիպված է եղել դիմել ոստիկաններին:
  Նրանց միջամտությունից հետո Ս.Քալանթարյանը ինքնակամ թողել է իր լիազորությունները:

2008թ. փետրվարի 21-ին ՀՀ ճանապարհային ոստիկանության աշխատակից Մերուժան Կարապետյանը խախտել է քաղաքացիների ազատ տեղաշարժման սահմանադրական իրավունքը:
  Նա Վանաձոր-Երևան ավտոմայրուղու վրա կանգնեցրել է ՀՀ նախագահի թեկնածու Լ.Տեր-Պետրոսյանի հանրահավաքին մասնակցելու համար Երևան ուղևորներ տեղափոխող ավտոմեքենան, բացի այդ խոչընդոտել է լրագրողի մասնագիտական աշխատանքը:
  Այդ մասին Հելսինկյան Քաղաքացիական Ասամբլեայի Վանաձորի գրասենյակի նախագահ Արթուր Սաքունցը և լրագրող Նաիրա Բուլղադարյանը հաղորդում են ուղարկվել Լոռու մարզի դատախազություն:
  ՀՀ ոստիկանությունը քրեական գործի հարուցումը մերժել է՝ Մերուժան Կարապետյանի արարքում հանցակազմի բացակայության պատճառով:
  Լոռու մարզի Ամրակից գյուղի միջնակարգ դպրոցի տնօրենն աշխատանքից ազատել է նույն դպրոցի ուսուցիչ Նաիրի Արոյանին: Տնօրենը ուսուցչին աշխատանքից ազատելու համար հիմք է ընդունել փետրվարի 11-16-ը աշխատանքից անհարգելի պատճառներով բացակայելը:
  Նաիրի Լևոնի Արոյանը հանդիսացել է 32/30 տեղամասային ընտրական հանձնաժողովի անդամ:
  ՀՀ ԸՕ-ի համաձայն՝ հանձնաժողովի անդամները իրենց պարտականություններն իրականացնելու համար չեն ազատվում իրենց հիմնական աշխատանքից:

Փաստորեն, իշխանության մարմինները ոչ միայն իրենք են խախտումներ թույլ տալիս, այլև նույն ձևով չեն պատասխանատվության ենթարկում օրինախախտներին: