Ոստիկանություն բերման ենթարկելու գործընթացները շարունակվում են

2008թ. մարտի 3-ին, 4-ին և 5-ին շարունակվում են ոստիկանության բաժին բերման ենթարկվել քաղաքացիներ, որոնք հանդիսանում են կա°մ Լևոն Տեր-Պետրոսյանի նախընտրական շտաբերի ակտիվիստներ, կա°մ մասանկցել են Երևանում կայացած հանրահավաքին կամ նստացույցին:

Միայն մարտի 5-ին 7 քաղաքացու բերման են ենթարկել ոստիկանության Վանաձորի բաժին, որոնք գտնվել են այնտեղ 2,5-6 ժամ:
  Քաղաքացիները բերման են ենթարկվել որպես Երևանում զանգվածային անկարգությունների վերաբերյալ քրեական գործով կասկածյալներ, հարցաքննվել են որպես վկաներ:
  Քաղաքացիներից մատնահետքեր են վերցրել, ինչպես նաև լուսանկարել են նրանց: Քաղաքացիներին հիմնականում հարցրել են, թե ինչու են մասնակցել հանրահավաքներին և ցույցերին:
Վանաձորցի Ռուբիկ Ոսկանյանը, որը հանդիսացել է Լևոն Տեր-Պետրոսյանի Վանաձորի նախընտրական շտաբի նախագահը, մարտի 4-ի դրությամբ գտնվել է Երևանի Կենտրոնի ոստիկանությունում ձերբակալվածի կարգավիճակով:
Ըստ հավաստի տեղեկությունների՝ նրա առողջական վիճակն անբավարար է, քանի որ որպես խաղաղ նստացույցի մասնակից դաժան ծեծի է ենթարկվել:
Չնայած ՀՀ «Քրեական օրենսգրքով» նախատեսված ոստիկանությունում պահելու 72 ժամը լրացել է, Ռուբիկ Ոսկանյանին շարունակել են պահել ոստիկանությունում:
  Նստացույցի մյուս մասնակից վանաձորցի Մեսրոպ Զաքարյանի գտնվելու վայրը հայտնի չէ: Չնայած կասակծներ կան, որ նա ևս գտնվում է Երևան քաղաքի Շահումյան շրջանի ոստիկանության բաժնում: Ձերբակալվածների մերձավորներին, փաստորեն չեն տեղեկացնում իրենց հարազատների գտվելու կամ ոստիկանությունում պահվելու մասին: Միայն Մարդու իրավունքների պաշտպանի ինստիտուտի և ԵԱՀԿ Երևանի գրասենյակի աշխատակիցների ջանքերի միջոցով է հնարավոր լինում ճշտել մարդկանց գտնվելու վայրը:
  Փաստը մտահոգիչ է այն պատճառով, որ չի ապահովվում կալանավորվածի և ձերբակալվածի պաշտպան ունենալու իրավունքը: Ավելին՝ թաքցվում են բերման ենթարկված անձանց նկատմամբ կիրառված փաստացի ֆիզիկական բռնությունները: