ՀԱՐՁԱԿՈՒՄ ԽԱՂԱՂ ՑՈՒՑԱՐԱՐՆԵՐԻ ՎՐԱ

Հելսինկյան Քաղաքացիական Ասամբլեայի Վանաձորի գրասենյակը դատապարտում է 2008թ. մարտի 1-ին խաղաղ ցուցարարների նկատմամբ կատարված բռնարարքը:

Կազմակերպությունը միջազգային ժողովրդական ուժերից եւ իրավապաշտպան կազմակերպություններից ակնկալում է աջակցություն՝ դիմագրավելու Հայաստանում բռնապետության հաստատմանը:
  Այս պահին Երեվանի Օպերայի շրջակայքը «մաքրվում է» խաղաղ ցուցարարներից զինված ոստիկանների եվ ոստիկանական բեռնատարների կողմից:
  Խաղաղ ցուցարարների մի մասին զինված ոստիկանները տեղափոխել են անհայտ ուղղությամբ, մյուս մասը՝ ծեծված, մարմնական վնասներով, գտնվում է Երեվանի Կենտրոնի ոստիկանությունում:
  Մարդկանց մի մեծ խումբ՝ մոտ 5000 մարդ, շարժվել է Հայաստանում Ֆրանսիայի դեսպանատուն, որտեղից ոստիկանները հորդորում են նրանց ցրվել:
  Առավոտյան ժամը 11:00-ին ՀՀ նախագահի նախկին թեկնածու Լեվոն Տեր-Պետրոսյանը իր տանը մամլո ասուլիս է հրավիրել:
  Ոստիկանները շրջափակել են նաեվ Լեվոն Տեր-Պետրոսյանի տունը՝ թույլ չտալով լրագրողներին ներս մտնել:
  Իրավիճակը լարված է նաեվ Հայաստանի մյուս մարզերում:
  Զինված ոստիկանները վերահսկում են Ալավերդուց Երեվան գնացող ճանապարհը: Ալավեդուց մինչեվ Վանաձոր հատվածում /մոտ 50կմ/ 3 տեղ զինված ոստիկանները կանգնեցնում եվ ստուգում են միկրոավտոբուսները եվ մեքենաները:
  2008թ. փետրվարի 29-ի լույս մարտի 1-ի գիշերը անհայտ անձինք հրկիզել են Վանաձորում գործող ՀՀՇ կենտրոնական գրասենյակի դուռը: Դեպքի առնչությամբ հաղորդում է ուղարկվել Վանաձորի ոստիկանություն:
  Տեղեկացնենք, որ այսօր առավոտյան ժամը 6.20-ի սահմաններում Ոստիկանության մի ջոկատ հարձակվել է Ազատության հրապարակում նստացույց հայտարարած խաղաղ մարդկանց վրա: Մահակներով սաղավարտավոր ոստիկանները հյուսիսային պողոտայի կողմից հարձակման են անցել, սակայն ստանալով արժանի պաշտպանություն՝ նահանջել են:
  Սակայն ավելի ուշ, արդեն 6.45-ի սահմանում բազմապատկած ուժերով կրկին հարձակվել են եւ դաժան ծեծի ենթարկել խաղաղ ցուցարարներին:
«Հիմա» էի՞ր ասում. բա ինչի՞ չես ասում»,- ասելով ծեծում էին իրենց ընտրությունը պաշտպանող, արդար ընտրություններ պահանջող մարդկանց:
  Մեկ ժամվա ընթացքում ոստիկանությունը «ազատել» է «Ազատության» հրապարակը:
  Այրել են վրանները, ծեծել մարդկանց: Մեր ունեցած տեղեկություններով, մարդկանց մի մասը, որին հաջողվել է դուրս գալ «օղակից» շտապել է դեպի տարբեր երկրների դեսպանատների մոտ: ՀՀ առաջին նախագահ Լեւոն Տեր-Պետրոսյանը միայնակ մնացել էր կանգնած «Ազատության» հրապարակում եւ հայտարարել, որ ոչ մի տեղ չի հեռանա, եթե ուզում են կարող են իրեն ձերբակալել:Այդ ժամանակ մեծ քանակի զորքեր շրջապատել էին հրապարակը եւ նրա ողջ հարող տարածքը:
  Քոչարյանի թիկնազորի պետ Գրիշա Սարգսյանը անձամբ բռնի ուժով խցկել է մեքենայի մեջ եւ բռնի տեղափոխել Լեւոն Տեր-Պետրոսյանին իր առանձնատուն: Ձերբակալվածների մասին առայժմ տեղեկություններ չկան: Օպերային հարող տարածքը` ՀԺԿ գրասենյակից սկսած շրջափակված է ոստիկանական ուժերով:
  Կրկին բռնության է ենթարկվել «չորրորդ իշխանություն» եւ «Առավոտ» թերթերի ֆոտոլրագրող ԳաԳիկ Շամշյանը:
  Հիշեցնենք, որ երեկ Ռոբերտ Քոչարյանը, նշելով դեպքերի հնարավոր զարգացումը, բացառել էր ուժային լուծումը, իսկ ԵԱՀԿ-ում ԱՄՆ քարտուղարությունը հենց երեկ կոչ էր արել իշխանությունների խաղաղ ցուցարարների նկատմամբ ուժ չկիրառել, ինչպես դա չէր արվել մինչ օրս: