ԼԵՎՈՆ ՏԵՐ-ՊԵՏՐՈՍՅԱՆԻ ՇՏԱԲԸ ԴԻՄԵԼ Է ՍԴ

Այսօր Լեւոն Տեր-Պետրոսյանի նախընտրական շտաբի մամուլի քարտուղար Արման Մուսինյանը տեղեկացրել է, որ իրենք դիմել են Սահմանադրական դատարան` ընտրության արդյունքն անվավեր ճանաչելու համար: Դրա համար կան բոլոր իրավական հիմքերը, ասել է նա:

Արման Մուսինյանը հավաստել է, որ պայքարը շարունակվելու է, եւ ամեն օր ավելանալու է պետական պաշտոնյաների թիվը, ովքեր միանում են Լեւոն Տեր-Պետրոսյանին: Իշխանությունը չունի քաղաքական պայքարին ընդդիմանալու ձեւ եւ դիմել է բացահայտ բռնությունների, ասել է Արման Մուսինյանը: Մասնավորապես, այսօր ձերբակալվել են Գառնիկ Մարգարյանը, Սամվել Հարությունյանը եւ Տեր-պետրոսյանի Եղվարդի շտաբի պետ Խաչիկ Սիմոնյանը: Տեղեկություններ կան, թե այսօր կարող է ձերբակալվել նաեւ Գուրգեն Եղիազարյանը: Արման Մուսինյանի խոսքով, ոստիկաններն առանց գրավոր որեւէ փաստաթղթի այցելում են իրենց մարզային գրասենյակներ, նույնիսկ Եկմալյան հասցեում գտնվող գրասենյակ եւ պահանջում փակել, պատճառաբանելով, թե ընտրությունն ավարտվել է: Արման Մուսինյանն ասում է, թե իշխանությունն ուզում է այդպիսով ջլատել շարժումը, հարթակից հեռացնել շարժման ղեկավարներին, սակայն դա չի ազդում Ազատության հրապարակում հավաքվողների վրա, որոնք օրեցօր շատանում են: Արման Մուսինյանն ասում է նաեւ, որ քաղաքապետարանն ըստ օրենքի պետք է շտապ օգնության մեքենաներ ուղարկեր Ազատության հրապարակում հացադուլավորների համար, սակայն պատճառաբանել է, թե ազատ մեքենաներ չկան:

ԱՂԲՅՈՒՐԸ՝
http://www.lragir.am/src/index.php#top
  ԻՐԱԶԵԿ ԵՂԵՔ ԸՆՏՐՈՒԹՅՈՒՆՆԵՐԻ ՄԱՍԻՆ ԱՎԵԼԻ ՄԱՆՐԱՄԱՍՆ
WWW.HRLORI.AM ՎԵԲ-ՊՈՐՏԱԼԻՑ