HUMAN RIGHTS WATCH. «ՀԱՐՁԱԿՈՒՄՆԵՐՆ ՈՒՂՂՎԱԾ ԷԻՆ ՄԱՐԴԿԱՆՑ ՎՐԱ, ՈՎՔԵՐ ՓՈՐՁՈՒՄ ԷԻՆ ԱՊԱՀՈՎԵԼ ԱՐԴԱՐ ՔՎԵԱՐԿՈՒԹՅՈՒՆ»

Human Rights Watch մարդու իրավունքների պաշտպանության միջազգային կազմակերպությունը հետեւել է Հայաստանի նախագահական ընտրություններին ու փետրվարի 21-ին ներկայացրել է իր դիտարկումներն ու եզրակացությունը. արձանագրվել են հարձակումների ու ծեծի դեպքեր:

«Հայաստանի կառավարությունը պետք է ուսումնասիրի ընտրությունների դիտորդների և լրագրողների վրա հարձակումների մասին հայտարարություննեը», - ասվում է Human Rights Watch կազմակերպության եզրակացության մեջ:
  Կազմակերպությունը զրուցել է տուժածների հետ ու պարզել, որ հակառակորդները ծեծել և սպառնացել են ընդիմադիր կուսակցության ակտիվիստներին, տեղական դիտորդներին և լրագրողներին, ովքեր փորձել են գրանցել ընտրատեղամասերում տեղի ունեցող կեղծիքները:
  «Այս ընտրությունների խախտումներն ուղղված էին հենց այն մարդկանց, ովքեր փորձում էին ապահովել արդար քվեարկություն»,-ասել է Հոլլի Քարտները՝ Human Rights Watch Եվրոպայի և կենտրոնական Ասիայի նախագահը:
  Նրա խոսքով՝ Հայաստանի կառավարությունը պիտի անկախ և արագ ուսումնասիրություն անցկացնի՝ հաստատելու, որ իրենք երբեք չեն հանդուրժի սպառնալիքներ:
  Human Rights Watch-ը արձանագրել է ընդդիմության ներկայացուցիչների, լրագրողների ու դիտորդների նկատմամբ սպառնալիքների ու անգամ բռնության 9 դեպք: Դրանցից մի քանիսը տեղի է ունեել ոստիկանության աշխատակիցների ներկայությամբ:
  Կազմակերպությունը նշում է, որ «Հայկական Ժամանակ» օրաթերթի լրագրող Լուսինե Բարսեղյանին ծեծի են ենթարկել և գողացել նրա տեսախցիկն ու ձայնագրիչը, երբ նա փորձել է պարզել, թե ինչ իրարանցում է Էրեբունի համայնքի ընտրատեղամասերից մեկում:
  «Ա1+» հեռուստատեսության օպերատորին նույնպես ծեծել են և վերցրել նրա տեսախցիկը: «Ժառանգություն» կուսակցության անդամ Արմեն Մարտիրոսյանը և դիտորդ Զարուհի Փոստանջյանը եւս հարձակման են ենթարկվել ընտրատեղամասի աշխատակիցների կողմից, երբ փորձ են բողոքել կեղծիքի դեմ:
  Լևոն Տեր-Պետրոսյանի տասնյակ հազարավոր կողմնակիցներ դուրս են եկել Երևանի փողոցները՝ բողոքելու ընտրությունների արդյունքների դեմ, ինչը նրանց կարծիքով համատարած ընտրակեղծիքի արդյունք է:
  «Հայկական կառավարությունը պետք է հավաստիացնի, որ ցուցարարների հետ ոչինչ չի պատահի,-ասել է Քարտները: - Հայաստանը ձգտում է դառնալ ժողովրդավարական երկիր. սա նշանակում է, որ մարդիկ պետք է ազատ լինեն իրենց ընրության մեջ»:
  Հայաստանում թերություններով լի ընտրություններն և ընդդիմության ճնշումները նորույթ չեն, ասվում է եզրակացության մեջ: 2003 թվականի մարտին Human Rights Watch-ը արձանագրել էր քվեաթերթիկների համատարած լցոնում, ինչպես նաեւ ընդդիմության անդամների մասսայական ձերբակալումներ, ցուցարարների նկատմամբ բռնության գործադրում եւ հարձակում ընդդիմության շտաբերի վրա 2004թ. ապրիլին:
  ԱՂԲՅՈՒՐԸ՝
http://www.echannel.am/?topic_id=1508
  ԻՐԱԶԵԿ ԵՂԵՔ ԸՆՏՐՈՒԹՅՈՒՆՆԵՐԻ ՄԱՍԻՆ ԱՎԵԼԻ ՄԱՆՐԱՄԱՍՆ
WWW.HRLORI.AM ՎԵԲ-ՊՈՐՏԱԼԻՑ