ՀԱՆՑԱԳՈՐԾՈՒԹՅՈՒՆՆ ԱԿՆՀԱՅՏ Է

Լեւոն Տեր-Պետրոսյանի շտաբի ներկայացուցիչներ Հովհաննես Գրիգորյանը, Գեւորգ Զաքարյանը եւ Աղվան Հակոբյանն իրենց հոժար կամքով այսօր առավոտյան դուրս են եկել Սբ. Գրիգոր Լուսավորիչ հիվանդանոցից:

Նրանք այստեղ էին տեղափոխվել փետրվարի 7-ին, երբ ժամը 19:00-ի սահմաններում Նոր Նորքի 4-րդ զանգվածում թռուցիկներ, բուկլետներ ու DVD դիսկեր բաժանելիս նրանց է մոտեցել "33 ՍՍ 335" մակնիշի սեւ գույնի «Ջիփ» մի ավտոմեքենա, որից դուրս են եկել երկու հոգի ու սկսել հայհոյելով ծեծել երիտասարդներին: Ըստ եղած վարկածների՝ մեքենան պատկանում է Սերժ Սարգսյանի՝ Նոր Նորքի նախընտրական շտաբի պետ Մելիք Գասպարյանին:
Երիտասարդներից Հովհաննեսը ստացել էր ուղեղի ցնցում ու մինչ այսօր գտնվում էր հիվանդանոցի վերակենդանացման բաժնում: Սակայն ինչպես «Ա1+»-ին տեղեկացրեց հերթապահ բժիշկ Վարդան Հարությունյանը՝ նրանք այսօր առանց պատճառաբանության հրաժարվել են բուժումից ու գնացել են տուն: «Ասացին ինգնազգացողություններս լավ է ու գնացին: Համենյան դեպս բողոքով չգնացին, այլ իրենց հոժար կամքով՝ չնայած նրան, որ առաջարկվել էր հետագա հետազոտում եւ հսկողություն, որն անհրաժեշտություն էր»,- պատասխանեց հերթապահ բժիշկը: Հովհաննեսի վերջնական ախտորոշումը դեռ չէր արվել:
  ԱՂԲՅՈՒՐԸ՝
http://www.a1plus.am/amu/?page=issue&iid=57319
  Այս թեմայով՝
http://www.hrlori.am