ԻՍԿ Ի՞ՆՉ ԾԱԳՈՒՄ ՈՒՆԵՆ ԸՆՏՐԱԿԱՇԱՌՔԻ ՏԵՍՔՈՎ ԲԱԺԱՆՎՈՂ ՓՈՂԵՐԸ

Հելսինկյան քաղաքացիական ասամբլեայի Վանաձորի գրասենյակը 36 դիտորդներով դիտորդական առաքելություն է իրականացրել ՀՀ ԱԺ մայիսի 12-ի նախընտրական շրջանում, եւ քվեարկության օրը` Հայաստանի մի քանի տասնյակ քաղաքներում եւ գյուղերում, եւ ըստ ունեցած փաստերի արձանագրում է:

«2007 թվականի մայիսի 12-ին կայացած ԱԺ ընտրությունները չէին հապատասխանում ժողովրդավարության չափանիշներին եւ ընթացել են ՀՀ ընտրական օրենսգրքի եւ ԿԸՀ որոշումների այնպիսի խախտումներով, որոնք էական ազդեցություն են թողել քվեարկության ընթացքի եւ ընտրությունների արդյունքների վրա»:

Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը իրենց հավաքած փաստերը լրագրողներին ներկայացրեց մայիսի 23-ին «Փաստարկ» ակումբում:
Արթուր Սաքունցը համոզված է, որ ընտրություններին հետ կապ եւ քաղաքական ենթատեսքտ ունեն «Ժամանակ Երեւան» թերթի խմբագիր Արման Բաբաջանյանի, Ազատագրված տարածքների պաշտպանություն հասարակական նախաձեռնության անդամներ Վարդան Մալխասյանի եւ Ժիրայրն Սեֆիլյանի, քաղաքացիական անհնազանդության շարժման ներկայացուցիչ Ալեքսանդր Արզումանյանի ձերբակալություններն ու կալանքները: Նրա կարծիքով, առնվազն զարմանալի է, որ Ալեքսանդր Արզումանյանի փողերի լվացման մեղադրանք առաջադրող իրավապահներից ոչ ոք չհետաքրքրվեց, թե ինչ ծագում ունեն ընտրությունների ժամանակ ընտրակաշառքի տեսքով բաժանվող փողերը: Լոռու մարզի օրինակով խոսելով, բանախոսը նկատեց, որ ՀՅԴ, ՀՀԿ, ԲՀԿ, ՄԱԿ կուսակցությունները ընտրակաշառք բաժանելու մրցություն էին սկսել եւ «ժամը 7-ից հետո շունը տիրոջը չէր ճանաչում»:
  Հելսինկյան քաղաքացիական ասամբլեայի Վանաձորի գրասենյակը իր հավաքած փաստերը ուղարկելու է բոլոր միջազգային դիտորդական առաքելություններին եւ նրանց, ով կցանկանա: Առայժմ նման ցանկություն հայտնել է միայն «Իմպիչմենտ» դաշինքը:
Ոչ ժողովրդավար ընտրությունների պատասխանատուն պետական կառույցներն են, սակայն Հելսինկյան քաղաքացիական ասամբլեայի Վանաձորի գրասենյակը նկատում է, որ եթե քաղաքացիական հասարակության ինստիտուտները` դիտորդական առաքելություններ, վստահված անձիք եւ այլք, առավել արդյունավետ աշխատեին, հնարավոր կլիներ կանխել բազմաթիվ խախտումներ եւ կեղծիքներ: Ի դեպ, Հելսինկյան քաղաքացիական ասամբլեայի Վանաձորի գրասենյակը հավատարմագրել է 54 դիտորդ, բայց ինչպես ասվեց, աշխատել են 36-ը: Մյուսները, ըստ Արթուր Սաքունցի, վախեցել են:
  http://www.lragir.am/src/index.php?id=1&l_id=33297&firstpg=1

Տես նաև

Հայաստանի Հանրապետություն

Խորհրդարանական ընտրություններ 2007

Միջանկյալ զեկույց թիվ 3

18 ապրիլի – 2 մայիսի, 2007թ

Տե'ս նաև

Մայիսի յոթին դիտորդական առաքելության ընթացքում հայտնած կարծիքների առնչությամբ ՀՔԱ Վանաձորի գրասենյակի ղեկավար Արթուր Սաքունցը հրավիրվել է Լոռու մարզի դատախազություն (07/05/2007)

Դիտորդական առաքելության իրականացում (02/05/2007)

On observations conducted in constituencies #29, #30, #31 and #32 between April 27 to May 3

Observing Mission (02/05/2007)

Television and Published Media Pre-Election Campaign Monitoring (26/03/2007)

http://www.elections.hcav.am/reports.html (in Armenian)