Հայկական քոչարին եւ ադրբեջանական փլավը

Օգոստոսի 26-30-ը Լոռու մարզի «Գուգարք» մանկապատանեկան ճամբարում կազմակերպվեց « Փոխվստահության ճամբար» խորագրով երիտասարդական հավաք, որին մասնակցում էին երիտասարդներ Լեռնային Ղարաբաղից, Հայաստանից և Ադրբեջանից:

Ճամբարի առօրյան առավել հետաքրքիր դարձնելու համար միջոցառման կազմակերպիչները նախատեսել էին մի շարք ժամանցային միջոցառումներ: Ըստ ծրագրի ադրբեջանցի երիտասարդներն այցելեցին Վանաձոր քաղաքի մոտ գտնվող ադրբեջանական գերեզմանոց, որը վերանորոգվել էր բոլորովին վերջերս, Հելսինկյան քաղաքացիական ասամբլեայի Վանաձորի գրասենյակի կողմից : Ճամբարում ադրբեջանցի երիտասարդները հասցրեցին սովորել քոչարի պարել, սեր խոստովանել հայերեն լեզվով, իսկ հայերը համտեսեցին ադրբեջանական փլավը և աշխարհին հայտնի թեյը:
Ուզում եմ նշել. որ Արցախից ժամանած մի քանի երիտասարդներ առաջին անգամ էին հանդիպում ադրբեջանցիների հետ, և բնականաբար, սկզբում , իրենց խոսքերով, չէին պատկերացնում, որ կարող են այդչափ ընկերանալ ադրբեջանցիների հետ ու ցավալ միմյանց համար: Դեռ ավելին, նրանք որոշեցին ամեն կերպ պահպանել ձեռք բերված մտերմությունը:
Վերջում բոլորն իրար հրաժեշտ տվեցին՝ խորը ափսոսանքով , ոչ միայն նրա համար, որ միգուցե այլևս իրար չտեսնեն, այլ «որ հարեւանությամբ ապրող ազգերը չպետք է իրարից մեկուսացված լինեն»:
  Ճամբարի մասնակից՝ Լուսինե Մուսայելյան